Сүнслэг аялал: Урлагаар дамжуулан сүнслэг дадалд өдөөх нь, олон ангит цувралын 5-р хэсэг

Энэ хоёр зураг бол шинээр зурсан бүтээлүүд юм. Японд байсан нэгэн шөнийг би санаж байна. Бид шинэ байшиндаа дөнгөж нүүж орсон байсан бөгөөд тэнгэрт өндөрт байгаа сарыг харахад эргэн тойронд нь ямар ч үүлгүй, зөвхөн гэрэлт цагаригаар хүрээлэгдсэн байв. Энэ үнэхээр яг тийм байсан; бид бүгд үүнийг харсан. Сарыг хүрээлсэн гэрэлт цагариг үнэхээр байв. Тэд үүнийг видео болон гэрэл зурагт буулгах гэж оролдсон боловч бүтэлгүйтсэн. Өөр арга байхгүй тул би хурдан зургийг нь зурсан.

Дэлхийд алдартай оюун санааны багш, уран бүтээлчийн хувьд Төгс Гэгээрсэн Их Багш Чин Хай (веган) оюун санааны удирдамжаар төдийгүй урлагийн ер бусын бүтээлүүдээр дамжуулан бидэнд зааж сургадаг. Өнөөдөр Төгс Гэгээрсэн Их Багш Чин Хай (веган)-н туурвисан Диваажингийн уран бүтээлийн галерейгаар бид аялах болно. Их Багшийн уран бүтээл нь энэ дэлхийд адислал авчирдаг Диваажингийн гоо үзэсгэлэнг бүрэн дүүрэн илэрхийлдэг.

Q: Бас нэг хачирхалтай зүйл нь хэд хэдэн авшигтнууд Их Багшийн урлагийн бүтээлүүдтэй үзэсгэлэнгийн талбайг тойрон явж зураг авсан юм. Тэдний дунд эгч байсан бөгөөд тэр хэдэн зураг аваад тэдгээрийг надад үзүүллээ. Зурагнуудын хажууд хүний дүрстэй харагдах цагаан гэрэл байсан бөгөөд тэр нь дхарма буюу үнэн номыг хамгаалагч шиг эсвэл... Тэр өдөр авсан олон зурагт Таны манекенуудын хажууд зогсож буй цагаан хувцастай Дармын хамгаалагчийн дүрсийг харуулсан.

Агуу уран зургууд бол эрхэмлэн, нандигнадаг дэлхий дээрх үнэт эрдэнэс юм. Бийрний таталт бүр нь түүх, соёл, илэрхийлэл, тэр ч байтугай адислалыг шингээн буулгаж, хүмүүс өнгөрсөн, одоо, ирээдүйг биеэрээ туулалгүйгээр сэтгэл, оюунаараа мэдрэх туршлагыг баяжуулдаг. Төгс Гэгээрсэн Их Багш Чин Хайн (веган) зургууд нь өвөрмөц юм. Тэд бидний сүнсний Тэнгэрлэг гэр рүү буцах сүнслэг замд биднийг дагалдан, энэ дэлхийн болон чанагуух ертөнцийн янз бүрийн талуудын талаарх бидний ойлголтыг баяжуулж, бидний сүнсийг элбэг арвин адислалаар тэтгэдэг.

Өнөөдөр бид шөнийн гоо сайхныг магтан харуулсан уран зургуудын цуглуулгыг судлахдаа “Амар амгалан мөч”-ыг таашаах болно. Гэрэлт сарны туяан дор бид гэгээрсэн нүдээр гайхалтай, маш хүчтэй сэтгэл хөдөлгөм “Ян Минь уулын шөнийн үзэмж”-ийг бишрэн харж, галактикийн “Шинэ эрин” рүү аялна.

VO: Төгс Гэгээрсэн Их Багш Чин Хай Японд очсоны дараах нэг орой, тэнгэрт байгаа хагас сар гэрлийн том цагаригаар хүрээлэгдсэн байхыг анзаарчээ. Их Багш “Би өмнө нь ийм том гэрлийн цагаригийг хэзээ ч харж байгаагүй гэж хэлэв. Хурдлаарай! Үүний видео бичлэгийг хийцгээе.” Гэвч видео бичлэг ч, ердийн камер ч аль аль нь уг ижил гэрлийн цагаригийг гаргаж чадаагүй тул Их Багш үүнийг заавал зурж буулгах ёстой гэж шийджээ. Гучин минутын дотор энэхүү ховор мөчийг буулгасан пастелээр зурсан зураг дуусав. Хөх ногоон дэвсгэр нь оройн тэнгэрийг илэрхийлдэг. Алтан сар болон энд тэндгүй тархсан анивчих одод нь зураг дотор багтахгүй тийм том гэрлийн цагаригаар хүрээлэгдсэн байв.

Сар тэнгэрт боловсорсон нимбэг шиг зөөлөн шар гэрэл цацруулж байна. Түүний цайвар шар гэрэлт цагариг нь гялалзах долгион мэт тархаж, анивчих оддыг тэврэн авч байна. Сонирхолтой нь, энэхүү үзэсгэлэнтэй гэрэлт цагаригны гаднах одод Сар руу инээмсэглэн, түүн рүү чиглэн хөдөлж байгаа мэт харагдаж байна. Зөөлөн пастелийн бийрийн таталт зураг дээгүүр бүжиглэх мэт хөдөлж, сар ба тэнгэрийн хооронд эрхэмсэг харилцан яриаг бий болгодог. Эдгээр оддыг улаан пастелийн өнгөөр ​​​​тойруулан хүрээлсэн нь дулаан мэдрэмжийг төрүүлдэг. Энэ нь шөнийн тэнгэрийг хоосорлоос илүү хайраар дүүрэн мэдрүүлдэг. Энэ бол үнэхээр зөөлөн, амар тайван уур амьсгалтай уран бүтээл юм.

Бидэнд талархлаа илэрхийлэх үгс олдохгүй байна. Жинхэнэ уран зургийн урлаг нь цаг хугацаа, орон зайг буулган, тусган харуулж, үзэгчдэд таашаал, амар амгаланг авчирч чаддаг.

За одоо Хятадын И-Пиний хувийн түүхэнд анхаарлаа хандуулъя.

Гайхамшигтай нэвтрүүлгүүдийг танилцуулж, өдөр бүр эерэг мессежийг хүргэж байдаг Суприм Мастер ТВ-д талархаж байна. Их Багшийг таньж, дагаснаас хойш би үзэгдэх болон үл үзэгдэх байдлаар маш сайн хамгаалагдсан. Их Багшийн уран зураг, дэнлүү нь урлагийн гайхамшиг, байгалийн мэт увдисаараа намайг татаж, сэтгэлийг маань гүнээ хөндөж байна! Их Багшийн бүтээлүүд нь дэлхийг гайхшируулдаг урлагийн бүтээлүүд төдийгүй амьдралыг зохицуулан, сүнс бүрийг тайвшруулах, сүнслэг бясалгал дадал хийхэд нь тусалдаг шидэт хэрэгсэл юм. Би энд нэг богино түүх хуваалцахыг хүсч байна:

Аавыг өөд болоход ээж бид хоёр тун их гашуудаж байсан. Би шөнө бүр эмх замбараагүй, хямралтай зүүднүүдээс болж зовж байв. Ээж минь ихэвчлэн цээжний өвдөлттэй зүрхний өвчин болон шөнө дундаас хойш бөөлжихөөс болж шаналдаг байв. Ээж бид хоёр өдөр бүр бие махбодын болон сэтгэл санааны өвдөлттэй тэмцэж байсан. Ямар ч эмчилгээ байхгүй, ямар ч эмч бидэнд тусалж чадаагүй. Ийм эргэлзээтэй, хэцүү байдалд байхдаа би Төгс Гэгээрсэн Их Багш Чин Хайн Мэдээний Сэтгүүлээс “Амар амгалан мөч” хэмээх Их Багшийн зургийг харсан. Энэ сонирхлыг минь шууд татсан. Уг уран зурагт Сар, оддыг зохицон, хамтран гэрэлтэж, үзэсгэлэнт дүр төрхийг бүрдүүлж буйг дүрсэлжээ. Гэрэлт цагаригаар хүрээлэгдсэн хагас Сарыг олон одод дагалдаж, хол мэт боловч гэрэлтэн харагдаж байв. Үлгэрийн мэт дүр төрхийг зөөлөн, цайвар өнгөний хослолоор ​​тодотгож, найруулгад тод бөгөөд цэгцтэй төрхийг өгч байна. Би энэ зургийг тэр даруй захиалсан. Түүнийг орныхоо толгой дээрх хананд өлгөхөд би амар амгалан болон тайвшралыг мэдэрч эхлэв. Хамгийн гэнэтийн зүйл бол тэр өдрөөс хойш зовоодог, уйтгар гунигтай миний зүүд алга болж, ээжийн шөнө шаналдаг байсан цээжний өвдөлттэй зүрхний өвчин гайхамшигтайгаар дахин давтагдахаа больсон явдал байлаа. Ийн нэгэн зураг надад болон ээжид минь гайхалтай нэгэн гайхамшгийг авчирсан. Ээж бид хоёр бодит амьдрал дээр –жинхэнэ “Амар амгалан мөч”-ийг мэдэрсэн! Биднийг бие болоод сэтгэл санааны хувьд ихэд ядарч туйлдсан тэр үед Их Багш бидэнд яг цагаа олсон, оновчтой ​​ хамгаалалт, Адислал хайрласан. Би их сэтгэл хөдөлсөн тул Танд яаж талархахаа мэдэхгүй байна. Миний талархлыг илэрхийлэх дэлхийн хэл байхгүй юм. Тэнгэрлэг бүх хамгаалагчид Их Багшийг ямагт хамгаалж, ийн Та жаргалтай, амгалан байгаасай гэж би зөвхөн хүсэн ерөөж чадна. Их Багшийн Бурхан лагшин аюулгүй, эрүүл байх болтугай. Хүн төрөлхтөн сэрж, веган дэлхийг нэн даруй бий болгоосой гэж би залбирч байна. Бүх мэдрэхүйт төрөлтөн Буддагийн Ивээлд байж, Үнэн номын баяр баяслыг хуваалцаг. И-Пин, Хятадаас

Ямар их сэтгэл хөдөлгөм туршлага вэ. Урам зориг өгсөн туршлагуудын тухай ярихад, дараа нь “Амар амгалан мөч”-тэй онцгой учрал тохиолдсон Монгол улсаас Батжаргалын урам зориг өгсөн түүхийг хуваалцъя.

Сайн байна уу, Хамгаас Хайрт Их Багш аа. Их Багш Та надад энэ ертөнц анх хэрхэн яаж үүссэнийг харуулсан. Хожим нь Таны “Амар амгалан мөч” зургийг үзэх үед, түүний утга учир нь манай дэлхий Бүтээгч Эзний зохиосон 12 шүтэн барилдлагаар үүсэхдээ ухамсрын гурван өөр ухаалаг ертөнцөөс бүрэлдэн тогтсоныг үзсэн ахуй ойлголттой маань адилхан ухаарлыг надад өгсөн. Үүнд нэгдүгээрт: шүтэн барилдлагын хуулиар үйлийн үрийн хүлээсийг гэтэлгэгч хоосон чанарын ертөнц; хоёрдугаарт: үйлийн үрийн хуулиар юу тарина түүнийгээ хураадаг сүнслэг ертөнц; гуравдугаарт: байгалийн хуулиар хүчтэй нь хүчгүйгээ ялан дийлж шалгаран үлддэг бодит ертөнц. Физик тоо, дүрс, үйл, дуу, гэрэл зэрэг таван махбодоос тогтсон физик дэлхий хэрхэн үүсэж, дээр нь ухамсрын найман түвшний ертөнц оршин тогтнохыг үзсэн. Ухаалаг дэлхийн бүх зүй тогтлыг ухамсарлан ойлгох чадвартай хүн төрөлхтөн мунхаг, харанхуй эринээс эхлээд ухамсрын нэг сая гэрэлтэй төгс гэгээрлийн эрин хүртэл ухамсрын хөгжлийн энэ найман эрин үеүдийг туулдаг болохыг үзсэн. […] Батжаргал, Монгол улсаас

Одоо, Шинэ эриний тэнгэрлэг ивээлүүд рүү алхан орцгооё.

VO: Энэ бол гайхалтай, маш сайн найруулга, чадварлаг гүйцэтгэлтэй, тансаг хийсвэр зураг юм.

Цэнхэр өнгө давамгайлсан энэхүү зураг нь анхандаа шөнийн дүр зургийг дүрслэх оролдлого байсан боловч эцэстээ өөр, өвөрмөц зүйл болж хувирчээ. Ойрхон зогсож байсан Арьяабалын элч сансар, огторгуйгаас ирсэн Нисдэг Үл Таних Биет нэмэхийг санал болгосон бөгөөд Төгс Гэгээрсэн Их Багш Чин Хай үүнийг хийсэн. Тийнхүү тайвшруулж, амраах гоёмсог зураг бий болсон.

Master: Энэ хоёр зураг бол шинээр зурсан бүтээлүүд юм. Японд байсан нэгэн шөнийг би санаж байна. Бид шинэ байшиндаа дөнгөж нүүж орсон байсан бөгөөд тэнгэрт өндөрт байгаа сарыг харахад эргэн тойронд нь ямар ч үүлгүй, зөвхөн гэрэлт цагаригаар хүрээлэгдсэн байв. Энэ үнэхээр яг тийм байсан; бид бүгд үүнийг харсан. Сарыг хүрээлсэн гэрэлт цагариг үнэхээр байв. Тэд үүнийг видео болон гэрэл зурагт буулгах гэж оролдсон боловч бүтэлгүйтсэн. Өөр арга байхгүй тул би хурдан зургийг нь зурсан.

Одоо бид анхаарлаа өөр нэг уран бүтээл болох “Ян Минь уулын шөнийн үзэмж”-нд хандуулъя.

VO: Нэгэн орой Формосагийн Ян Минь ууланд бясалгал хийж байхдаа, Төгс Гэгээрсэн Их Багш Чин Хай оройн нар шингэж харанхуй болох үе, үдшийн бүрэнхийгээс сэдэл аван энэ зургийг зуржээ. Зураг дээрх жаргаж буй нар эсрэг талын толгодын оргилын цаагуур аажмаар шингэхдээ, уудам тэнгэрийг сүр жавхлантай болгож, нүд гялбам гэрлийн туяа цацруулж байна. Хүн ам шигүү суурьшсан хотоос харанхуй, өтгөн манан хөөрөв. Од мэт гялалзах жижиг цэгүүд нь байшингуудынн гэрэл юм.

Ян Минь уулан дээрх Түүний оршин суугаа газрынхаа өмнөөс, зураач ширтэн харж байв. Нар уулсын цаагуур жаргаж, шөнө дэлхий дээр бууж ирлээ. Харанхуй манангийн дэвсгэр дээр Тэнгэрийг бүхэлд нь гэрэлтүүлж буй сүнслэг гэрлийг төлөөлсөн тод гэрлийн туяатай од мэт гялалзсан хотын дүр зураг харагдаж байна.

Цагаан, шар, улбар шар, бас улаан гэрлүүд нь бийрийн таталт бүрээр нарны шинжийг бараг төгс илэрхийлж, тосон будгийн өнгө ашиглалт нь гоо үзэсгэлэн, урам зоригийн хувьд юутай ч зүйрлэшгүй юм. Бүр хар толгодууд нь хүртэл хар, хар саарал, мөн цайвар саарал өнгийн янз бүрийн зэргээр дүрслэгдэж, газар орны төрх байдал буюу газрын хэлбэрийн өгсүүр, урууг болон хотын гэрлүүдийн өөр өөр анивчих гялбааг харуулдаг. Энэхүү хүчирхэг өнгөт зураг нь Их Багшийн гэрэл ба өнгөнд хандах ер бусын мэдрэмж болон түүний баялаг илэрхийлэх чадварыг харуулж байна.

За одоо Тайваниас Чиу-Ений хуваалцсан түүхийг уншицгаая.

Сайн байна уу, Хүндэт, Хайрт Их Багш аа, Намрын дунд сарын баяр болохын өмнөх өдөр, авшигтан нөхөр бид хоёр Тамсуй голоор явган зугаалсан. Биднийг тэнгэр өөд харахад жаргаж буй нарны гэрлийн туяа, өнгөт давхаргууд нь солонго мэт гялалзаж байв! Бид ийм ховор, гайхамшигтай, үзэсгэлэнтэй үзэгдлийг анх удаа харсан нь энэ байлаа. Зүрх сэтгэлд амар амгалан, тайван тогтуун мэдрэмж төрж байв. Маргааш нь үдшийн бүрий болох үед, бид тагтнаасаа Арьяабал уул руу харахад тэнгэр дэх Арьяабалын дүрснээс дахин өнгөлөг гэрэл цацарч байлаа. Цэнхэр, улбар шар, алтан гэрлийн туяа нь Ариун Гэрэл шиг бие биеэ нөхөж байв. Нөхөр маань “Энэ Их Багшийн ‘Ян Минь уулын шөнийн үзэмж’ зураг шиг харагдаж байна!” гэв. Тэдгээрийг харьцуулсны дараа бид жаргаж буй нарны өнгө, өргөн, харьцаа нь Их Багшийн өмнө нь зурсан тэр зурагтай маш төстэй байгааг олж мэдсэн. Бидний өмнө байгаа байгалийн төрх “Ян Минь уулын шөнийн үзэмж”-ийн яг адил хуулбар шиг байв.

Их Багш тэдгээр өдрүүдэд тэр нар жаргах үеийн гайхамшигт туяаг харсан байх гэж бодож байна, тиймээс Тэр гайхамшигт мөчийг дэлхийтэй хуваалцахын тулд будгийн бийрээрээ буулгажээ. Их Багшийн харсан байгалийн үзэсгэлэнг өөрийн нүдээр харах нь Их Багшийн явсан замаар алхахтай ижил байв. Их Багшийн хайрласан урам зориг, урамшуулалд би гүнээ талархъя. […] Хүндэтгэсэн, Тайвань (Формоса)-аас шавь Чиу-Ен

Энэ туршлага нь бидний зүрх сэтгэл урлагтай нийцэж байх үед, бид өдөр тутмын амьдралдаа гоо үзэсгэлэнгийн өөр өөр хэлбэрийг нээж илрүүлж болохыг сануулдаг.